నేషనల్ మీన్స్ మెరిట్ స్కాలర్‌షిప్ (ఎన్ఎంఎంఎస్) పరీక్షకు సంబంధించిన ప్రశ్నపత్రాలు గురువారం జిల్లాకు వచ్చాయి. రాబోయే పరీక్ష ఈ నెల 3న జరగాల్సి ఉండగా, పేపర్లు ప్రస్తుతం అనంతపురం డీఈవో కార్యాలయంలో (పాత కార్యాలయం) భద్రపరిచారు.
జిల్లా విద్యాశాఖాధికారి వి.నాగరాజు, ప్రభుత్వ పరీక్షల అసిస్టెంట్ కమిషనర్ గోవిందున్నాయక్ తనిఖీలు నిర్వహించారు. ప్రశ్నపత్రాలను శుక్రవారం పరీక్షా కేంద్రాలకు తరలించేందుకు ఏర్పాట్లు చేస్తున్నారు.
జిల్లా వ్యాప్తంగా అనంతపురం, కళ్యాణదుర్గం, గుంతకల్లు వంటి రెవెన్యూ డివిజన్ కేంద్రాల్లో మొత్తం 13 కేంద్రాలను నియమించారు. ప్రస్తుతం 8వ తరగతి చదువుతున్న మొత్తం 2,886 మంది విద్యార్థులు ఉదయం 10 గంటల నుంచి మధ్యాహ్నం ఒంటి గంట వరకు జరిగే పరీక్షల్లో పాల్గొంటారు.
పరీక్షలను సజావుగా నిర్వహించేందుకు అవసరమైన అన్ని ఏర్పాట్లను సిద్ధం చేయాలని డీఈవో నాగరాజు ఆదేశాలు జారీ చేయడంతోపాటు కేంద్రాల వద్ద ఎలాంటి సమస్యలు తలెత్తకుండా ముందస్తు జాగ్రత్తలు తీసుకోవాలని సూచించారు.
Discussion about this post